Elsa Laula Renberg lea dovddus vuosttáš sámi čoahkkima váldoplánjeaddjin. Čoahkkin rahppojuvvui Troandimis guovvamánu 6.b. 1917, ja dan dihte mii ávvudit Sámi álbmotbeaivve aiddo dien beaivve.
Siri Broch Johansen lea čállán sámi ovdamanni Elsa Laula Renberg (1877-1931) vuosttas oppalaš biografiija. Čálli lea gavahan sihke su áiggi ja otná čálalaš gálduid, dasto maiddái otná áiggi njálmmálaš gálduid sihke ruoŧa ja norgga bealdi vai oččošii dievaslaš gova olbmos Elsas. Girjjis lea olu govat, maiddái dakkárat mat eai leat ovdal almmuhuvvon. Britt Inger Stenfjell lea čohkken eanaš govaid.
Logaldallan Elsa Laula Renberg birra
Dán logaldallamis son muitala Renberga eallimis riegádeami rájes jápmima rádjái, ja vel otná beaivái. Seammás muitala servodatnuppástusaid birra mat dáhpáhuvve Renberga eallinagis.
Logaldallan sáhttá leat dárogillii dahje davvisámegillii. Sámi servvodagas heive logaldallan nuoraidskuvlla rájes. Dáža servvodagas heive logaldallan joatkkaskuvlla rájes. Heive velá senioruniversiteahtain. Logaldallan bistá 45-60 min.
