2018' giđa jođán miehta davvi-Norgga lávdeteavsttain Sabmie Ovttastuvvon Siiddat.

Lohkanmátki álgá Girkonjárggas. Lohkan lea Samovarteáhteris tii.19.00 njukčamánu 19.b.

Prošeavtta birra

Sabmie Ovttastuvvon Siiddat (SOS) lea hutkojuvvon stáhtta. Lea boaris. Lea stuoris. Lea fámolaš. Ja danin maid lunddolaččat badjeageahččá earáid. Hoavda Sagka dan stivre. Nu lea álo leamaš. Nu galgá álo bissot.

Buot lea buorre SOS:s. Go dát stáhtta máhttá gul luonddus váldit vára. Buot lea dássedeattus, luonddus váldojuvvo muddagit. Earret dien máttimus provinssas, Dobries. Go Dobries gávdno ieš dat Ruhtamášen. Diamánttaruvkkit. Dat mat šaddet ja surrot Dobrieváriid siste, ja daid dihtii ráigi vári siste sturro ahte sturro. Dat mat dál sirdojuvvojit goalmmat gearde. Dobries orru maid eartnjakas moskolaččat. Moaddečuohte olbmot boares čearddas mii goas nu lei buorre čearda, juo, váivi mo singuin lea mannan, muhto dál čearda lea dušše ovddas. Vigget caggat Boahtteáiggi! Mo meannudit eiseválddit iežas unnitloguálbmoga, moskolaččaid? Gávdno go nu gohčoduvvon uthulingsmaksimum? Sáhttá go luohttit geologii geas lea moskolaš duogáš? Lea go son gul objektiiva? Galggašii go ođđa ruvkki álggahit, vai livččii go buoremus diktit vári orrut ráfis? Vástádusaid buot dáidda jearaldagaide, ja vel eanet vástádusat, beasat gullat jus boađát  SOS lohkamii. It oaččo dušše vástádusaid ge, beasat vel fárrui daid ráhkadit!  

Lohkan lea dego bádji. Mii vuorbbádit SOS muitalusa oasážiid ortnega. Dasto lágidit bahpáriid dan ortnega mielde maid leat vuorbbádan, ja de lohkat ovttas jur dien eahkeda muitalusa.  Mun doalan lávžžiid nu, ahte álo nagodit olles muitalusa lohkat, bottoža doallat, ja loahpas háleštit vejolaš ođđa teakstaoasážiid birra guokte tiimmu siste.  

Davvi-Norgga riemut leat dán prošektii juolludan mátkedoarjaga. Lohkanmátkki maŋŋá šaddá lohkan/čájálmas 2018' Davvi-Norgge riemuin.